De größte Ruab´m

Manfred Dorfner und seine Rettich-Rübe

„Wia da Åcker so de Ruab´m,
wia da Våta so die Buam“.
Dass des Sprichwort då a wieda stimmt,
zoagt, de Radiruab´m, de af 3,6 kg kimmt.
Da Dorfner Manfred håt des U´tier ´zicht
mit dem enormen G´wicht.
Sowås is a Selt´nheit,
d´rum håt da Manfred damit a greoße Freid´.
Wånn de Ruab´m medial vawertet is,
dånn wird´s vaspeist, des is g´wiß.
A Wårnung werd´n ma via Internet austråhl´n,
denn ålle in da Umgebung soll´n des erfåhr´n,
wånn da Manfred die Ruab´m schnabuliert,
und de Luft in da Umgebung ziemlich stickig wird.
D´rum findat i gånz g´scheid,
wånn de Ruab´m g ´ess´n wurd´, va mehra Leut´.
De Abgase wurd´n se bessa vateil´n, des muaß ma såg´n
und da Manfred kunnt zur Luftreinhåltung in Lempa beitråg´n.
Dass des wichti´ wa, des is g´wi´ß,
weil Lempa „Klimaschutz-Gemeinde“ is.