Der kleine Willi mit den großen Sprüchen

Sein Kommentar zur "EU-Gesetzgebung"

EU – Gesetzgebung

Europäische Mitgliedschåft wår fia Österreich (ÖVP) oberstes Zü´,

denn då kå ma mitred´n und mitgestålt´n so vü´ ma wü´.

Den Traum håb´m unsere Politiker fia wåhr erklärt

in Wirklichkeit is åber genau umgekehrt.

Mir miaß´n uns dem beug´n, wås uns de diktier´n,

a wånn´s Bestimmungen san, ohne Hirn.

Sovü´ Leut´ sitz´n vorn in da erst´n Reih´,

do´ leider is in eahnare Köpf´ koa Plåtz fia Vernunft, mehr frei.

Ob´s Vorschrift´n in da Landwirtschåft, Gewerbe oder wås woas i,

oiweil schåff´ns mehr Verwåltung und Bürokratie.

Ban greßt´n „Streich“ aus da letzt´n Zeit,

geht´s um´s Marmelad´, wo de Vanunft zum Himmö schreit.

Denn de Österreicher miaß´n hiaz Konfitüre stått Marmelade schreib´m,

wås bessers fållt den Politikern in Brüssel, zur Zeit net ein.

Wia i die Ursåch fia den Unsinn g´les´n, då håb i g´staunt,

den Begriff „Marmelade“ als typisch österr. zu erklär´n, håb´m unsere Poltiker vasaumt.

A wånn uns solche Bestimmungen ärgern und net g´fåll´n,

låß´n si´ de „Nichtsnutz“ in Brüssel va uns Österreicher guat zåhl´n.