Der kleine Willi mit den großen Sprüchen ..

Österreich in åller Munde

Österreich in åller Munde

Aus ist´s mit da Herrlichkeit,
Schwårz und Blau lieg´n wieder hiaz im Streit.
Ma´ håt glaubt, dass sie sich guat vatråg´n,
mit eahnera Politik den richtig´n Weg ei´schlåg´n.
Koane neich´n Schuld´n, weniger Asylanten eina in unser Lånd,
Entlåstung der Bürger und sunst a nu ållerhånd.
Dånn durch Strache´s b´soff´ne G´schicht,
af oan Schlåg die Koalition auseinånderbricht.
Wia da Bundeskånzler reagier´n wird, ois wårt´ ång´spånnt.
Dass er solång braucht, schreit die Opposition, is ållerhånd.
Staatsmännisch und b´sonnen tritt er vor die Kamera, endli´ dånn
und kündet den Bruch der Koalition und Neuwåhl´n ån.
Die Opposition legt dånn nu Oas d´rauf
und sprechan dem Kanzler a nu dies Mißtrau´n aus.
An såchlicher Lösung zum Wohle Österreichs san die net interessiert,
d´rum wird in dera G´schicht nu fest umg´riaht.
Va dera Staatsaffäre verbreit´ sich im nu weltweit die Kunde
und mir kinnan stolz verkünd´n: „Österreich ist wieder amål in åller Munde“