Gute Zeiten, schlechte Zeiten

Beitrag von Willi Hopfer

Guate oder schlechte Zeit´n

Zur Zeit, so kå ma såg´n,

gibt’s g´nua Themen, wo ma wås zan red´n håb´n.

Corona begleit´ uns eh scho fåst 2 Jåhr

und wia´s ausschaut ist die Pandemie nu net glei´ går.

In der Bundes-ÖVP håb´s a Probleme ohne End´,

wo si´ unser Oaner in dem Wirb´l net auskennt.

Stått´n Kurz regiert hiaz da Schallenberg

und ålle Tåg ma wieder wås Neich´s va dera Causa  heart.

Die Wähler in Oberösterreich håb´n dort und da überråschende Ergebnisse produziert

und dådurch månchen „Ortschef“ åbserviert.

Durch Corona is die Pårtei MFG entstånd´n,

weil mit Masken- und Impfpflicht-Verweigerung kinnan´s bei g´wisse Wähler guat lånd´n.

Corona und die Vorschrift´n werd´n in da Bevölkerung stårk diskutiert

und ma´kå´  hoff´n, dass net zur Spåltung in der Gesellschåft führt.

Neta a påar Themen va unser´m Lånd håb´i då hiaz afzäh´t

åber nix va dem wia´s sunst nu zuageht auf da Welt.

Krieag, Flüchtlingsströme, Hungersnöte, Klimawånd´l und Umweltkatastoph´n

wo ma´ måchtlos is und neta af  positive Veränderungen ka´ hoff´n

D´rum heart ma ältere Leut´ oft red´n,

die guat´n Zeit´n, die  han scho g´wen.