Der Kleine Willi mit den großen Sprüchen

Krisenzeiten

Krisenzeit´n håb´m ma derzeit g´nua und dies in ållen Årt´n,

es schaut net so aus, åls kinnat ma bessere Zeit´n båld erwårt´n.

Wirtschåfts- und Finanzkrise fåst af der gånz´n Welt,

zan spår´n is, weil´s Geld iwaråll fehlt.

Die Klimakrise muaß ma a erwähna, weil ma´s ålle g´spürn,

die Ållgemeinheit soll dies Klima rett´n, weil die Greoß´n koan Finger rührn.

Die Kriegsschauplätze san im steig´n,

weil Europa, Trump & Co., a so a Politik betreib´m.

Aufrüstung wird von der EU åls Heilmitt´l propagiert,

damit ma den Trump ba Laune hålt und er z´fried´ng´stellt wird.

Dies Wort „Diplomatie“ håt scheint´s ausgedient,

weil´s in die Köpf vieler Politiker nimma stimmt.

Die Völker woll´n Fried´n, do´ es geht um Einfluss und Måcht

und die Wåffenindustrie lebt guat und sche, wånn´s kråcht.

Ålle Bomb´n der Welt, so muaß ma såg´n,

hätt´n die beste Verwendung, wånn´s in die Wåffenindustrie ei´schlåg´n.

Politiker, die fia´s Volk dies Beste woll´n, san rár, und dies is schåd,

d´rum håb´m ma die best´n Zeit´n bei uns in Europa scho g´håt.

GEDICHT VON WILLI HOPFNER