Die Impflotterie

Der Kleine Willi

Impflotterie

Die Meldungen iwa die Vorschriften die dauernd g´ändert werd´n,
hängan oan scho außa ba die Ohr´n, ma kå´s nimma hearn.
Die Vorgångsweis´n va da Regierung, so kimmt ma via,
san wia ba oana Wirtshausrunde ba Wei´ und Bier.
die schrei´n a håruck, oamål viari oamål z´ruck.

Promt fiahrt die Regierung die Impflotterie ei´,
i såg, kinnat´s net nu wås Bledas sei´.
Nå´4 Wochan is dies „Glückspü´“ wieda aus ,
es bleibt die Fråg, håb´m ma eh scho lauta B´soffene im Hohen Haus?
Oder stimmts nimma gånz in denen eahnan Hirn,
weil´s dies wås ´s heut´ beschlieaß´n morg´n wieder revidier´n?