Die Zeit´n werd´n schlechter, dies is klår, vor åll´m, weil ma Schuld´n g´måcht håb´n, die letzt´n vierzig Jåhr. Jeder normale Bürger dies vasteht, dass af Dauer dies, af Kost´n der Substanz´n geht. In da Politik wird die Vernunftreg´l net ång´wend´t, weil die Politik neta fia die Dauer oana Periode denkt. Wås lång vorher da Normalbürger scho erfåßt håt, mit seinem Hirn, verånlåßt do´ a die Politiker, dass die Schuld´nbrems´n ziahg´n. Verschiedene Måßnåhmen werd´n ins Spårpaket g´schnürt. Damit ´s mit´n Stååt, so behaupt´ns, wieda aufwärts gehat wird. Sechs Millonen Euro bringt ´s, so håt ma g´heart, wånn ma a gånze Reih´ von Bezirksgerichte zuasperrt. Rohrbach is, mir woll´ns net hoff´n, ångeblich då a, davo´ betroff´n. Bei Inseraten vo´ Kånzler und Ministern håt ma nu nix g´heart, die a påår hundert Mio. kosten, dass då ei´g´spårt wird. A fia Luxuskarrossen, die ma går net brauchan, da håb´ms a Geld, dies zoagt, dass Vernunft, Respekt und die Veråntwortung dem Volk geg´nüber fehlt.
Die Artikel in
den o.a. Kolumnen geben immer nur die persönliche Meinung der
jeweiligen Autoren wider und müssen nicht mit jener der
Redaktion übereinstimmen!
